Kalatia 1:19 - Tokelauan New Testament

¹⁹ Kae e hēki fetaui au ma hētahi apohitolo vaganā ai ia Iakopo, te taina o te Aliki.

Kalatia 1:19 ပူးပေါင်းရင်းမြစ်များ

Mataio 10:3

ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 12:46

Koi tautala ia Iehu ki nā tino kae taunuku mai tona mātua ma ona uho. Kua tutū atu ki lātou i fafo kae kave te lātou faifekau ki a Iehu ko ki lātou e fia faitala ake ki a te ia.

Mataio 13:55

E hē ko ia tēnei te ataliki o te kāmuta? E hē ko Malia nei tona mātua? E hē ni uho nei e o ia ia Iakopo, Iohefa, Himona ma Iuta?

Maleko 3:18

ko Anitelea, ko Filipo, ko Patolomaio, ko Mataio, ko Toma, ko Iakopo te Ataliki o Alefaio, ko Tātāio, ko Himona te Lotonuku,

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Luka 6:15

ko Mataio ma Toma, ko Iakopo te ataliki o Alefaio, ma Himona (nae fakaigoa ko te Lotonuku),

Luka 8:20

Oi lea atu ai he tino ki a Iehu, “Ko tō mātua ma ō uho e tutū mai i fafo, e fia kikila ki a te koe.”

Gāluega 1:13

Kua taunuku atu ki lātou ki Ieluhalema, oi olo ai ki te potu nae nonofo ai i te falealuga; ko Petelu, ko Ioane, ko Iakopo ma Anitelea, ko Filipo ma Toma, ko Patolomaio, ko Mataio, ko Iakopo te ataliki o Alefaio, ko Himona (nae fakaigoa ko te Lotonuku), ma Iuta te ataliki o Iakopo.

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

1 Kolinito 9:5

E hē ia te au nei te aiātatau ke fakatakitaki ai ki nā mea nae fai e iētahi apohitolo ma nā uho o te Aliki ma Petelu, i toku fano ma kave haku āvaga Kelihiano i aku faigāmalaga?

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho: