Kalatia 1:15 - Tokelauan New Testament

¹⁵ Kae i te alofa tūnoa o te Atua na ia filifilia ai au ka ko hēki fānau mai au, ma kalagagia ke kaukauna atu ki a te ia. Ma i te tonuga i te ia ke

Kalatia 1:15 ပူးပေါင်းရင်းမြစ်များ

Mataio 11:26

Io, te Tamana, ko te mea lava tēnei na fofou koe ke fai.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Loma 8:28

E iloa e ki tātou, i mea uma lele, ko te Atua e galue mo te lelei fakatahi ma ki lātou e alolofa ki a te ia, ki lātou kua kalagagia e ia e tuha ma te mea e fofou ia ki ei.

Loma 8:30

Ma ko ki lātou na muamua tōfia e te Atua, na kalagagia e ia; ma ko ki lātou na kalagagia e ia, na fakaleleia to lātou va ma ia; ma ko ki lātou na ia fakaleleia to lātou va ma ia, na i ei fakatahi ki lātou ma ia i tona mamalu.

Loma 9:24

Auā ko ki tātou ko nā tino ia kua kalaga mai ki ei te Atua, e hē ko nā tino Iutaia oioti, kae vēnā foki ia tagata nukukehe

1 Kolinito 1:1

Mai ia Paulo, tē na kalagagia e tuha ai ma te finagalo o te Atua ke kavea ma apohitolo a Keliho Iehu, ma to tātou uho ko Hohetene —

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 1:24

kae mo ki lātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua

1 Kolinito 1:9

Ko te Atua e fakamāoni, te Atua na kalaga atu ki a te koutou ke māfuta fakatahi ma tona Ataliki ko Iehu Keliho, to tātou Aliki.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

Kalatia 1:1

Mai ia Paulo, he apohitolo e hēki tōfiagia e tagata pe e ala i he pule fakatetagata, kae na kalagagia e Iehu Keliho ma te Atua te Tamana, tē na ia fakatūagia ia Keliho mai te oti.

Kalatia 1:6

Ko au e ofo ki te vave lele oi fulitua o koutou ki tē na kalagagia koutou e ala i te agalelei o Keliho, ma talia hētahi talitonuga e lea nā tino ko he tala lelei.

Efeho 1:5

na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 3:11

Na fai e te Atua te mea tēnei e tuha ai ma tana fuafuaga na fai i te kāmataga, tēia na ia fakataunukua e ala ia Keliho Iehu to tātou Aliki.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.