Kalatia 1:14 - Tokelauan New Testament

¹⁴ Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

Kalatia 1:14 ပူးပေါင်းရင်းမြစ်များ

Mataio 15:6

e hē tau āva la ki lātou ki o lātou tamana. Ko te koutou faiga tēnā kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani.

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Gāluega 22:3

“Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Gāluega 26:5

Kua uma te ki lātou iloa, pe kāfai e loto ke molimau ki lātou ki nā mea iēnei. Mai te kāmataga maiga lava, ko au na ola ake ma kavea ma hētahi o te vāega e pito hili te tauhihi ki nā talitonuga o te tātou tāpuakiga, te kau Falehaio.

Gāluega 26:9

“Na pa foki lava au ki te lagona ko au ke teteke mālohi ki te igoa o Iehu te Nahaleta.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,