Kalatia 1:13 - Tokelauan New Testament

¹³ Kua fakalogo koutou ki te ōlaga nae ola ai au ka koi i ei au i te tāpuakiga Iutaia, ki aku fakahāuāga nae fai ki te Ekalehia a te Atua, ma aku taumafaiga ke fakauma.

Kalatia 1:13 ပူးပေါင်းရင်းမြစ်များ

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

Gāluega 8:3

Kae ko Haulo nae taumafai lava ke fakahēai te Ekalehia; na fano ki loto o nā fale o tagata takitahi ma toho ki fafo nā tino kua talitonu ki a Iehu, ko taulelea ma fafine, ma fakatonu ke kave oi togi ki te falepuipui.

Gāluega 9:21

Ko nā tino uma na ki lātou lagona ia Haulo, na ōfo lele ma fakatau fehili vē, “E hē ko te tagata tēnei te nae ia tāmatea nā tino nae tāpuaki ki te tino e igoa ko Iehu i Ieluhalema? E hē ko te māfuaaga ia na hau ai ki kinei, ke puke fakapagotā nā tino iēnei ma kave ki te kau ohitāulaga hili?”

Gāluega 9:26

I te pa atuga o Haulo ki Ieluhalema, oi taumafai ai ke fano ki loto o te maopoopoga a nā hoko o Iehu. Kae e hēki talitonu ki lātou ko Haulo kua kavea ma hoko, ma nae mātataku uma ki lātou ia te ia.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 15:9

Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.