Kalatia 1:10 - Tokelauan New Testament

¹⁰ Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kalatia 1:10 ပူးပေါင်းရင်းမြစ်များ

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 28:14

Ma kāfai e iloa e Pilato te mea kua tupu, e ki mātou mafaia oi fakamalie ki ei, ma e hēai lele he mea e tatau ke popole ai koutou.”

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Gāluega 12:20

Na matuā ita lahi lele ia Helota ki tagata o Tulo ma Haitonu, ko te mea ia na olo fakatahi ai na hui mai nā nuku iēnei oi kikila ia Helota. Na ki lātou mua fakakupua ia Palahito, te kaukauna pule i te fale o te tupu, ke fehoahoani ake ki a te ki lātou. Oi olo ai ki a Helota ma fakatagi ki ei mo he fīlēmū, auā ko nā meakai a o lātou nuku e maua mai i te fenua e pule ai te tupu.

Gāluega 5:29

Oi tali vē atu ai ia Petelu ma nā apohitolo ki ei, “Ko ki mātou e tatau ke uhitaki ki te Atua kae hē ki tagata.”

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

1 Kolinito 10:33

Fakatakitaki oioti ki nā mea e kō faia; e taumafai lava au ke fakamaliegia ia tagata uma i nā mea e kō faia, e aunoa ma he manatu ki he lelei mo oku lava, ka ko he lelei mo tagata uma, kae ke fakaola ai ki lātou.

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Ioane 3:9

Ko nā fānau a te Atua e hē ki lātou faia pea lava te agahala, auā ko te natula o te Atua ei loto ia te ki lātou; ma e ona ko te Atua ko to lātou Tamana, e hē mafai ai ki lātou ke agahala pea lava.