Iuta 1:3 - Tokelauan New Testament

³ Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.

Iuta 1:3 ပူးပေါင်းရင်းမြစ်များ

Gāluega 17:3

ke fai ma fakamāoniga ko te Mehia e tatau ke maua i nā puapuagā, ma toe tū mai i te oti. Kua lea vē atu ia Paulo, “Ko te Iehu tēnei e kō folafola atua, ko te Mehia ia.”

Gāluega 18:28

Auā nae fīnau mālohi ma nā tino Iutaia i mua o tagata, ma na fakailoa ai e ia te hehē o ki lātou. Na fakamāonia e ia ki a te ki lātou e ala i nā Tuhituhiga Paia, ko Iehu ko te Mehia.

Gāluega 20:27

Auā e hēki fakanofonofo lele au i te fakailoa atuga ki a te koutou, nā mea uma kua fuafua e te Atua ke fakataunuku.

Gāluega 28:28

Kua fakaiku te tautalaga a Paulo oi lea vē ai: “E tatau la ke koutou iloagia, ko te fekau e uiga ki te fakaolataga a te Atua, kua kave ki nā tino nukukehe! Ka fakalogo ki lātou ki ei!”

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Gāluega 9:22

Kae kua ātili ai te mālohi o te faiga o te tālakiga a Haulo, ma ko te mautū o nā fakamāoniga a ia ko Iehu ko te Mehia, kua hē mau tali ai ki ei nā tino Iutaia nae nonofo i Tamaheko.

1 Kolinito 15:3

Na kō tuku atua ki a te koutou te mea na kō maua, ko te mea ia e pito hili te tāua; ko Keliho na oti mo a tātou agahala, e vē oi tūhia i nā Tuhituhiga Paia;

Kalatia 2:5

kae e hēki ki mātou tukua lele ki ei he avanoa, auā ko ki mātou nae fofou ke tūmau pea lava te moni o te Tala Lelei mo koutou.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 6:11

E koutou kitea te matamata lalahi o nā mataituhi kua tuhi ai taku tuhi mo koutou i toku lava lima!

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 1:13

Pipiki mau ki nā kupu moni na akoako atu ai koe e au ke fai ma takiala ki a te koe, ma tūmau i te fakatuatua ma te alofa e maua e ki tātou i te māfutaga ma Keliho Iehu.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Epelu 6:9

E ui lava ko ki mātou e tuhi atu i ni kupu vēnei te kau uho pele, e mautinoa e ki mātou ka koutou filifiliagia te auala e maua ai te fakaolataga.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Iuta 1:17

Kae ke koutou manatua aku uō pele, nā mea na fakailoa atu ki a te koutou e nā apohitolo a to tātou Aliki ko Iehu Keliho, i nā aho kua teka.

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.