Ioane 9:7 - Tokelauan New Testament

⁷ ma lea vē atu ki ei, “Fano la oi fufulu ō mata i te Vaitākele ko Hiloma.” (“Ko te uiga o te kupu ‘Hiloma’ ko te ‘Uga’ ”) Oi fano ai te tamāloa kua fufulu ona mata, ma e liliu mai, kua kitea e ona mata.

Ioane 9:7 ပူးပေါင်းရင်းမြစ်များ

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Luka 13:4

Kae e vēhea nā tino e toka hefuluvalu na holo ki luga o ki lātou te fale maualuga i Hiloma, ma na feoti ai? I te koutou kikila, e hili atu nei to lātou holi tūlāfono i lo iētahi tino uma lele nae nonofo i Ieluhalema?

Luka 2:32

He mālamalama ke fakakitea ai tō finagalo ki tagata nukukehe, ma maua ai he vīkiga mo ō tagata Ihalaelu.”

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 11:37

Kae ko iētahi tino kua lea vē, “Na fakapupula e ia nā mata o te tāuaho. He ā la te hēki ia mafaia ai oi puipuia ia Lahalo ke nahe oti?”

Ioane 9:11

Kua tali atu te tamāloa, “Ko te tino e igoa ki a Iehu na palu e ia nā palapala ma uku ai oku mata, ma lea mai ai ko au ke fano ki te Vaitākele ko Hiloma oi fufulu ai oku mata. Oi fano ai au, ma na uma loa lava te fufulu kae kitea loa e oku mata.”

Ioane 9:39

Kua vāgana atu ia Iehu, “Ko au na hau ki te lalolagi ke fakamahino, kae ke pupula ai nā mata o nā tino nae tāuaho, kae tāuaho nā tino nae pupula o lātou mata.”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,