Ioane 9:38 - Tokelauan New Testament

³⁸ “Te Aliki, ko au kua talitonu!” kua lea vēnā atu te tamāloa, ma tōtuli ifo ai ki lalo i mua o Iehu.

Ioane 9:38 ပူးပေါင်းရင်းမြစ်များ

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Mataio 28:9

Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Mataio 8:2

Oi hau ai he lēpela kua tōtuli i mua o ia ma lea vē atu ki a te ia, “Te Aliki, kāfai koe e loto ki ei, e kē mafaia oi fakamamā au.”

Luka 24:52

Kua vīkia e ki lātou ia Iehu, oi toe foki ai ki Ieluhalema, kua fakatumulia i te fiafia lahi,

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 9:39

Kua vāgana atu ia Iehu, “Ko au na hau ki te lalolagi ke fakamahino, kae ke pupula ai nā mata o nā tino nae tāuaho, kae tāuaho nā tino nae pupula o lātou mata.”