Ioane 9:35 - Tokelauan New Testament

³⁵ I te lagonaga e Iehu o te mea na tupu, oi fano ai kua hakili te tamāloa. I te ia mauaga, oi fehili atu ai ki ei vēia, “E talitonu koe ki te Ataliki o te Tagata?”

Ioane 9:35 ပူးပေါင်းရင်းမြစ်များ

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Maleko 1:1

Ko tēnei te kāmataga o te Tala Lelei ki a Iehu Keliho te Ataliki o te Atua.

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Ioane 1:34

Kua kō kitea,” kua lea vēnā atu ia Ioane, “ma e lea atu au ki a te koutou, ko ia tēnei ko te Ataliki o te Atua.”

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 11:27

Kua tali mai ia Mafa, “Io, te Aliki. Ko au e talitonu ko koe ko te Mehia, te Ataliki o te Atua, na tuku e hau ki te lalolagi.”

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Ioane 5:14

Mulimuli ake, oi maua ai e Iehu te tamāloa i te Mālumalu ma vāgana atu ai ki ei, “Fakalogo lelei mai, ko koe kua mālōlō, nahe kē toe faia la te agahala, auā e i nā tupu hētahi mea ki a te koe e hili atu te kino.”

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Gāluega 8:36

Ka koi fakaauau te malaga i luga o te auala, oi tau atu ai ki he koga e i ei ni vai, oi lea vē atu ai te eunuka, “Kikila, iēnā nā vai! He ā te hē mafai ai au ke papatiho?”

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

Loma 10:20

Ma e hili atu la te mālohi o te fakakupuga e Ihaia o te kupu a te Atua i te leaga vē: “Ko au na maua e nā tino nae hē ki lātou hakilia au; Na fakakitea au ki a te ki lātou nae hē fehili e uiga ki a te au.”

1 Ioane 4:15

Ko ai lava he tino e ia takutinoagia ko Iehu ko te Ataliki o te Atua, ko te tino tēnā e ola i te māfutaga ma te Atua, ma ko te Atua e ola i te māfutaga ma ia.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.

1 Ioane 5:13

Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

1 Ioane 5:5

Ko ai la te ia mafaia oi fakatōkilalo te lalolagi? E nā ko te tino lava e talitonu ko Iehu ko te Ataliki o te Atua.

3 Ioane 1:10

Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.