Ioane 9:24 - Tokelauan New Testament

²⁴ Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”

Ioane 9:24 ပူးပေါင်းရင်းမြစ်များ

Maleko 15:27

Na ki lātou fakahātauloa foki ni tino kaihohoa e toka lua fakatahi ma Iehu, ko tētahi i tona itū taumatau ma tētahi i tona itū tauagavale.

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Luka 19:7

Ko nā tino uma na ki lātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 18:30

Kua tali mai ki lātou, “Anei ake te tagata nei e hēki holia e ia te tūlāfono, e hēki ki mātou kaumaia ki a te koe.”

Ioane 19:6

I te kitea atuga o Iehu e nā ohitāulaga hili ma nā leoleo o te Mālumalu, oi taukalalaga ai, “Fakahātaulo te tino tēnā! Fakahātaulo te tino tēnā!” Kua lea atu ia Pilato ki a te ki lātou, “Kave lava la e koutou oi fakahātaulo, auā e hēai he mea e kitea e au e tatau ai ke fakahala.”

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 8:46

E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?

Ioane 8:49

Oi tali atu ai ia Iehu, “Ko au e hē ulufia e he tēmoni. E fai e au nā mea e vīkia ai toku Tamana, kae e koutou faia nā tala fakakino ki a te au.

Ioane 9:16

Ko iētahi o te kau Falehaio kua lea vē, “Ko te tino na ia faia te mea tēnei e hē he tino e hau mai te Atua, auā kua hē uhitaki ki te tūlāfono e uiga ki te Hāpati.” Ka ko iētahi kua lea vē, “E vēhea ona mafai e he tino agahala oi fai ni fakailoga vēnei?” Oi na i ei ai he fekehekeheakiga ia te ki lātou.

Ioane 9:25

“E hē kō iloa pe ko ia he tino agahala pe hēai,” kua tali mai te tamāloa. “E fokotahi lava te mea e kō iloa; ko au nae tāuaho kae nei kua pupula oku mata.”

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.