Ioane 9:22 - Tokelauan New Testament

²² Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Ioane 9:22 ပူးပေါင်းရင်းမြစ်များ

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 19:38

Kua uma atu nā mea iēnei, oi talohaga ai ia Iohefa, he tino e hau mai te kakai ko Alimatea, ki a Pilato ke kave e ia te tino o Iehu. (Ko Iohefa ko hētahi ia o nā tino nae mulimuli ki a Iehu, kae nae hē ia fakailoa lele auā e mataku i nā takitaki o Iutaia.) Na talia tana talohaga e Pilato, oi kave ai e ia te tino o Iehu.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Ioane 7:13

Kae ona ko te lātou mātataku i nā takitaki o Iutaia, na hēki tautatala leo lalahi ai ke lagona e tagata.

Ioane 9:18

Kae ko nā takitaki o Iutaia nae hē talitonu ko te tamāloa nae tāuaho moni, oi fekau ai e ki lātou nā mātua o te tamāloa,

Ioane 9:21

Kae e hē ki mā iloa pe na vēhea ona mafai ke toe pupula ona mata, kae pe ko ai foki te na ia fakamālōlōa mai tona tāuaho. Fehili ki ei; kua matua ma kua ia mafaia lava oi tali mo ia!”

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Ioane 9:35

I te lagonaga e Iehu o te mea na tupu, oi fano ai kua hakili te tamāloa. I te ia mauaga, oi fehili atu ai ki ei vēia, “E talitonu koe ki te Ataliki o te Tagata?”

Gāluega 4:18

Oi toe fekau ai e ki lātou te toka lua, ma fakatonu ke nahe toe tautatala lele pe akoako e ki lāua he tino, i te igoa o Iehu.

Gāluega 5:13

E hēai lele he tino ko hēki talitonu na loto toa ke i ei fakatahi i te mea kua maopoopo ki ei nā tino kua talitonu, e ui lava ko nā tino kua talitonu nae fakaaloalogia lele e tagata.

Gāluega 5:40

Oi fakatonu ai e ki lātou ke kaumai te kau apohitolo ki te fono ma ke kini, ma fakatonu ai ke nahe ki lātou toe tautatala lele i te igoa o Iehu; oi tuku ai ke olo.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”