Ioane 8:55 - Tokelauan New Testament

⁵⁵ E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

Ioane 8:55 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Ioane 10:15

e vēnā foki ona iloa e au aku māmoe, ma ki lātou iloa au. Ma e ofo atu e au toku ola, mo ki lātou.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:21

Kae ko nā mea uma iēnei ka ki lātou faia ki a te koutou ona ko koutou e āku; auā e hē ki lātou iloa tē na ia uga maia au.

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 6:46

E hē vē la e i ei he tino na kua ia kiteagia te Tamana; ko tē e hau mai i te Atua, ko ia oioti lava te kua ia kiteagia te Tamana.

Ioane 8:19

Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Ioane 8:51

E takutino atu e au ki a te koutou te meamoni: ko ai lava e uhitaki ki aku akoakoga ka hē oti lele.”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Gāluega 17:23

Auā i te kui atuga o oku i te koutou kakai ma kikila ki nā mea e tāpuaki ai koutou, na kō kitea ai he fata faitāulaga e tuhi ai, ‘Ki he Atua e Hē Iloa.’ Ko te Atua la tēnā e tāpuaki koutou ki ei, e ui lava e hē koutou iloa, ko te Atua ia e folafola atu nei e au ki a te koutou.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Ioane 1:6

Kāfai la ki mātou e lea atu ko ki mātou e māfuta ma ia, kae ko ki mātou e nonofo i te pōuliuli, ko ki mātou la kua pepelo ia mātou kupu ma a mātou gāluega e fai.

1 Ioane 2:22

Ko ai la te tino e tala pepelo? Ko ho he tino e lea ko Iehu e hē ko te Mehia. Ko te tino e lea vēnei, ko ia tēnā ko te Fili o Keliho — e hē ia taliagia te Tamana ma te Ataliki.

1 Ioane 2:4

Ko te tino e lea e ia iloa te Atua, kae e hē uhitaki ki te mea e fakatonu mai e te Atua, ko te tino tēnā e talapepelo ma e hē i loto ia te ia te meamoni.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.

Fakaaliga 3:9

Kikila, ko nā tino o Hātani, nā tino talapepelo e lea ko ki lātou ni Iutaia kae e hē ni Iutaia; ka kō kaumaia ki lātou ke tōtutuli pūnonou ki mua o outou vae. Ka iloa uma e ki lātou ko au e alofa atu ki a te koutou.