Ioane 8:48 - Tokelauan New Testament

⁴⁸ Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Ioane 8:48 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 10:5

Kua uga atu e Iehu nā tamāloa iēnei e hefululua ma nā fakatonuga e vēnei: “Ko koutou e hē olo ki he fenua o tagata nukukehe pe he kakai o Hāmālia.

Mataio 11:18

I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 12:31

Ko te mea ia e lea atu ai au ki a te koutou; ho he agahala pe he kupu fāifāi ki te Atua e mafai ke fakamāgalo, kae ko ai lava e fāifāi ki te Agaga Paia, ka hē fakamāgaloa lele ia e te Atua.

Mataio 15:7

Ko koutou ni tino āmio pepelo! Kai te hako lele o Ihaia i tana vāloaga e uiga ki a te koutou!

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 10:20

E tokalahi ki lātou na lea vē, “Ko te tagata tēnei e ulufia e he tēmoni! E hē lelei te māfaufau. He ā la te fakalogo tauanoa ai koutou ki ei?”

Ioane 13:13

Ko au e fakaigoa e koutou ko te Faiakoga ma ko te Aliki, ma e hako lava koutou, auā ko tēnā lava au.

Ioane 4:9

Kua tali mai te fafine, “Ko koe ko he Iutaia, ka ko au ko he Hāmālia — e vēhea la oi lea mai koe ki a te au ke fakainu atu koe?” (E hē mafai e nā tino Iutaia ke fakaaogā e ki lātou ni ipuinu ma ni pēhini na fakaaogā e ni tino Hāmālia.)

Ioane 7:20

Kua tali mai nā tino i te kaifenua, “Ko koe e ulufia e he tēmoni. Ko ai te taumafai ke tāmate koe?”

Ioane 8:22

Oi lea vē ai nā takitaki o Iutaia, “E lea mai ko ki tātou e hē mafai ke olo ki te mea e fano ia ki ei. Ko tona uiga nei ka fano oi pule ki tona ola?”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Loma 15:3

Auā e hēki faia e Keliho ni mea ke fiafia ai lava ia. Kae e vē oi lea mai te tuhituhiga paia, “Ko a lātou kupu tau fakakino na lafo atu ki a te koutou, kua pakukū uma mai ki oku luga.”

Epelu 13:13

Tātou olo foki la ki a te ia i fafo o te kakai, ke fakamātagā fakatahi ai ki tātou ma ia.

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.