Ioane 8:37 - Tokelauan New Testament

³⁷ E iloa e au ko koutou ni lāpuna e o Apelaamo. Kae ko koutou e taumafai ke fahioti au, auā e hē koutou taliagia taku akoakoga.

Ioane 8:37 ပူးပေါင်းရင်းမြစ်များ

Mataio 13:15

auā ko o lātou māfaufau e vālelea, ma kua poloka e ki lātou o lātou taliga, ma tapuni o lātou mata. Anei ake e kitea e o lātou mata, ma lagona e o lātou taliga, ma mālamalama o lātou māfaufau, ma liliu mai ki a te au, e kō fakamālōlōa ki lātou.’

Mataio 3:9

Ma ia koutou lele nahe kāmata oi lea vē tētahi ki tētahi, ‘ko Apelaamo he tupuna e o ki mātou’; auā e lea atu au ki a te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo.

Ioane 10:31

Oi toe papae ifo ai nā tino Iutaia ki ni fatu ka fetogi ai ia Iehu.

Ioane 11:53

Na kāmata mai i te aho tēnā, oi lama ia Iehu e nā takitaki o Iutaia ke tāmate.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”

Ioane 7:25

Ko iētahi tino i Ieluhalema kua lea vē, “E he ko te tagata nei tēnei e taumafai nā takitaki o Iutaia ke tāmate?

Ioane 8:33

Kua tali mai ki lātou, “Ko ki mātou ko nā lāpuna o Apelaamo, ma e hēki faia lele ki mātou ma pologa a he tino. He ā la te lea ai koe vē, ‘Ka maua e koutou te haolotoga’?”

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Ioane 8:56

Ko Apelaamo te tamana o koutou, na fiafia ona na tuku e kikila ki te taimi e haele mai ai au; na kikila ki ei ma na fiafia lahi ai.”

Ioane 8:59

Oi tago ai ki lātou ki nā fatu ka fetogi ia Iehu, kae kua fakalafi ia Iehu mai ia te ki lātou, ma fano kehe ai mai te Mālumalu.

Ioane 8:6

Na lea vēnei ki lātou ke māilei ai ia Iehu, ma ke ki lātou mōlia ai ki te tūlāfono. Kae kua punou ki lalo ia Iehu ma tuhituhi i tona muamuālima ki luga o te kelekele.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Loma 9:7

E hē ko tagata uma foki na tupuga mai ia Apelaamo ni fānau e a te Atua. Na vāgana atu te Atua ki a Apelaamo, “Ka tupuga mai ia Ihaako nā lāpuna na folafola atu e au ki a te koe.”

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Ioane 2:14

Ko au e tuhi atu ki a te koutou taku fānau, auā e iloa e koutou te Tamana. Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā ko koutou e mākekeke; ko te kupu a te Atua e ola i loto ia te koutou, ma kua fakatōkilalo e koutou te Tino Kino.