Ioane 8:3 - Tokelauan New Testament

³ Oi ōmamai ai nā faiakoga o te Tūlāfono ma nā Falehaio ma kaumai he fafine na maua e mulilua, ma kua fakatū e ki lātou i mua o te potopotoga kātoa.

Ioane 8:3 ပူးပေါင်းရင်းမြစ်များ

Mataio 2:4

Na fakapotopoto ai e ia nā ohitāulaga hili ma nā faiakoga o te Tūlāfono oi fehili atu ai ki ei, “Ko fea nei te koga ka fānau mai ai te Mehia?”

Ioane 8:2

I te taeaopōpō o te aho alafaki, na toe fano ai ia Iehu ki te Mālumalu. Kua ōmamai ki a te ia nā tino uma lele, oi nofo ai ki lalo ma kāmata ai oi akoako atu e ia ki lātou.

Ioane 8:4

Kua lea vē atu ki lātou ki a Iehu, “Te Faiakoga, ko te fafine tēnei na maua e mulilua.

Ioane 8:9

I te fakalogoga o ki lātou ki te mea tēnei, oi gāholoholo ai tau tokatahi kua olo kehe, kāmata atu i nā tino mātutua. Kua totoe nei nā ko Iehu fakatahi ai ma te fafine, koi tū lava i te mea na fakatū ai.

Ioane 9:13

Oi kave ai e ki lātou te tamāloa nae tāuaho ki te kau Falehaio.

Gāluega 4:7

Kua fakatutū e ki lātou ia Petelu ma Ioane i mua o te fono, oi fehili vē ai ki ei, “Na vēhea ona mafai e koulua oi fakamālōlō te pipili? E o ai te mana pe ko te igoa na koulua faia ai te mea tēnei?”

Loma 7:3

Kāfai la te fafine e nonofo ma hētahi tamāloa ka koi ola tana tāne, ka takua ia ko he fafine mulilua. Kae kāfai kua oti tana tāne, kua haoloto la ia i te tūlāfono, ma ka hē mulilua ia kāfai e toe fakaipoipo ki hētahi tamāloa.