Ioane 8:28 - Tokelauan New Testament

²⁸ Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.

Ioane 8:28 ပူးပေါင်းရင်းမြစ်များ

Mataio 24:5

Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka ki lātou fakahehēa te tokalahi o tagata.

Maleko 13:6

E tokalahi nā tino ka ōmamai i toku igoa ma lea vē, ‘Ko au ko te Mehia’ ma ka ki lātou fakahehēa te tokalahi o tagata.

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Ioane 11:42

E iloa e au e kē lagona mai au i taimi uma. Kae ko au kua lea vēnei atu mo nā tino iēnei i kinei, ke mafai ai ki lātou ke talitonu, ko au na kē uga maia.”

Ioane 13:19

Ko au kua lea atu i te mea tēnei i te taimi nei, ka ko hēki pa ki te taimi e tutupu ai. E pa atu la ki te taimi e tutupu ai, ka talitonu koutou ‘Ko Au Ko Au Lava Au.’

Ioane 16:10

e hehē to lātou tāofi e uiga ki te mea e hako, auā ko au e fano ki te Tamana, ma ka hē toe koutou kitea au;

Ioane 18:32

(Ko te mea tēnei na tupu, kae ke taunuku ai te mea na lea ai ia Iehu, e uiga ki te itūkāigā oti e oti ai ia.)

Ioane 19:18

Ko kinā na fakahātaulo ai e ki lātou ia Iehu; ma na fakahātaulo ai foki ma iētahi tamāloa e toka lua, e takitahi i nā itū kae e i to lā va ia Iehu.

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Ioane 3:14

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga,

Ioane 4:26

Oi tali atu ai ia Iehu, “Ko au tēnei e tautala atu ki a te koe, ko ia tēnā.”

Ioane 5:19

Oi vāgana atu ai ia Iehu ki a te ki lātou, “E takutino atu e au ki a te koutou te meamoni; e hē mafai e te Ataliki ona fai he mea nā ko ia; kae e ia faia oioti nā mea e ia kitea e fai e tona Tamana. Ko te mea lava e fai e te Tamana, e fai foki e te Ataliki.

Ioane 5:30

“E hēai he mea e kō mafaia i haku pule tautahi; e kō fakamahinoa e vēia ona fakatonu mai ai au e te Atua. Ko taku fakamahinoga la e tonu, auā ko au e hē taumafai ke fai te mea e fofou au ki ei, ka ko te mea e fofou ki ei tē na ia uga maia au.

Ioane 6:38

auā ko au e hēki fanaifo mai te lagi ke fai te mea e loto au ki ei, kae ke fakataunuku te finagalo o tē na ia uga maia au.

Ioane 8:24

Ko te mea ia na lea atu ai au, ko koutou ka feoti ma autou agahala. Ma ka feoti koutou ma autou agahala kāfai koutou e hē talitonu ‘Ko Au Ko Au Lava Au.’ ”

Ioane 8:27

E hēki mālamalama ki lātou ko Iehu e tautala ake e uiga ki te Tamana i te lagi.

Ioane 8:58

Kua tali mai ia Iehu, “E takutino atu e au ki a te koutou te meamoni, ka ko hēki fānau mai ia Apelaamo, ka kua i ei Au Ko Au Lava Au.”

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 4:4

Kae e tokalahi nā tino na fakalogo ki te fekau ma talitonu ki ei; ma na tuputupu ai pea lava te nūmela o tagata na fakapotopoto ki ei, ma na maua he limaafe pe ā.