Ioane 8:20 - Tokelauan New Testament

²⁰ Ko nā kupu iēnei na tautala ai ia Iehu, ka koi akoako atu i loto o te Mālumalu, i te potu e i ei nā puha e tuku ki loto nā tāulaga tupe ma nā meaalofa a tagata. Kae e hēki pukea ia e nā tino, auā ko tona taimi ko hēki pa mai.

Ioane 8:20 ပူးပေါင်းရင်းမြစ်များ

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Mataio 27:6

Kua fakaputuputu e nā ohitāulaga hili nā tupe hiliva ma lea vē, “Ko te tupe tēnei o te fakamaligi toto ma e fakahā i te Tūlāfono ke tuku ki nā fakaputuga tupe o te Mālumalu.”

Maleko 12:41

Kua nofo ia Iehu e tafapili ki te puha tupe mo nā tāulaga mo te Mālumalu, ma kikila ki nā tino ma a lātou tupe e tuku ki loto. E tokalahi nā tino maukoloa nae lalahi a lātou tupe e tuku ki loto;

Maleko 12:43

Kua fakapotopoto mai e Iehu ona hoko, oi vāgana atu ai ki ei vēnei, “E takutino atu e au ki a te koutou, e hili atu te lahi o te fōaki a te fafine mativa tēnei kua oti tana āvaga, i lo ki lātou uma lele na fai a lātou tāulaga.

Luka 20:19

Na taumafai nā faiakoga o te Tūlāfono ma nā ohitāulaga hili, ke puke fakapagotā ia Iehu i te taimi lava tēnā, auā kua ki lātou hāfia ko te talafakatuha tēnei na fai fakatatau ki a te ki lātou; kae nae mātataku i nā tino.

Luka 21:1

Ko Iehu nae i te Mālumalu, oi kitea atu ai e ia nā tino maukoloa, e tuku a lātou tāulaga ki loto o te puha tupe mo nā tāulaga mo te Mālumalu.

Ioane 10:39

Oi toe taumafai ai foki ki lātou ke puke ia Iehu, kae kua hola kehe ia mai ia te ki lātou.

Ioane 2:4

Kua tali mai ia Iehu, “Te mātua, nahe kē lea mai ko kinā mea e tatau ke kō faia! Ko toku taimi ko hēki pa mai.”

Ioane 7:14

Pe kua teka te āfa o nā aho o te Kaiga Fakamanatu, oi fano ia Iehu ki te Mālumalu, oi akoako atu ki tagata.

Ioane 7:30

Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:44

Ko iētahi o ki lātou, na fofou ke ki lātou pukea ia Iehu, kae e hēki i ei he tino na pa tona lima ki a te ia.

Ioane 7:8

Olo koutou ki te Kaiga Fakamanatu. Ko au e hē fano auā ko hēki pa ki te taimi hako mo au.”

Ioane 8:2

I te taeaopōpō o te aho alafaki, na toe fano ai ia Iehu ki te Mālumalu. Kua ōmamai ki a te ia nā tino uma lele, oi nofo ai ki lalo ma kāmata ai oi akoako atu e ia ki lātou.

Ioane 8:59

Oi tago ai ki lātou ki nā fatu ka fetogi ia Iehu, kae kua fakalafi ia Iehu mai ia te ki lātou, ma fano kehe ai mai te Mālumalu.