Ioane 7:7 - Tokelauan New Testament

⁷ Ko te lalolagi e hē inoino atu ki a te koutou, kae e inoino mai ki a te au, auā ko au e molimau ki te kino o ana gāluega e fai.

Ioane 7:7 ပူးပေါင်းရင်းမြစ်များ

Luka 6:26

“Kae hāloa la koutou, kāfai koutou e taku leleia e tagata uma; auā ko te mea foki tēnā na fai e o lātou tupuna ki nā pelofeta pepelo.

Ioane 17:14

Kua fakailoa e au ki a te ki lātou tau fekau, ma kua inohia ki lātou e tagata o te lalolagi, auā e hē mai te lalolagi ki lātou, e vē foki lava ko au e hē mai te lalolagi.

Ioane 3:19

Ko tēnei la te fakamahinoga: kua hau te mālamalama ki te lalolagi, kae ko tagata e fiafia ki te pōuli i lo te mālamalama, auā ko a lātou āmio e kino.

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

Kalatia 4:16

Ko au nei la kua fai ma outou fili auā ko au e tautala atu ki a te koutou i te meamoni?

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Ioane 4:5

Ko nā pelofeta pepelo e tautatala ki nā mea o te lalolagi, ma e fakalogo ki ei te lalolagi auā e o te lalolagi ki lātou.