Ioane 7:45 - Tokelauan New Testament

⁴⁵ I te toe liliuga o nā leoleo, oi fehiligia ai ki lātou e nā ohitāulaga hili ma te kau Falehaio. Kua lea vē atu ki lātou, “He ā te hēki koutou kaumaia ai ia Iehu?”

Ioane 7:45 ပူးပေါင်းရင်းမြစ်များ

Mataio 26:58

Ka ko Petelu kua taumulimuli mamao atu i tua ke pa lava ki te lōtoā o te fale o te Ulu Ohitāulaga. Kua fano ki loto o te lōtoā ma nofo ki lalo i te mea e i ei ai nā leoleo o te Mālumalu, kae ke ia kitea pe ko he ā te ka pa ki ei.

Ioane 11:46

Kae ko iētahi o ki lātou na olo ki te kau Falehaio, oi taku ki ei te mea na fai e Iehu.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 7:32

Kua lagona a nā Falehaio nā mea e tautatala muhumuhu ai nā tino e uiga ki a Iehu, oi fakatonu ai e ki lātou ma nā ohitāulaga hili nā fitafita, ke puke ia Iehu.

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.