Ioane 7:33 - Tokelauan New Testament

³³ Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Ioane 7:33 ပူးပေါင်းရင်းမြစ်များ

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 13:33

Taku fānau, kua hē mataloa hoku taimi ma koutou. Ka koutou hakilia au; kae ko te mea na lea ai au ki nā takitaki o Iutaia, ka lea atu ai foki au ki a te koutou, ‘E hē koutou mafaia oi olo ki te mea e fano au ki ei.’

Ioane 14:12

E takutino atu e au ki a te koutou te meamoni, ko nā tino e talitonu mai ki a te au, ka ki lātou faia nā mea e kō faia; ma ka ki lātou faia nā mea e hili atu te lalahi, auā ko au e fano ki te Tamana.

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 16:10

e hehē to lātou tāofi e uiga ki te mea e hako, auā ko au e fano ki te Tamana, ma ka hē toe koutou kitea au;

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 16:5

Kae nei ko au ka fano ki tē na ia uga maia au, kae e hēai lele houtou tino e fehili mai, pe ko au e fano ki fea.

Ioane 17:11

Ma i te taimi nei, ko au ka fanatu ki a te koe; ka hē toe i ei au i te lalolagi, kae e i te lalolagi ki lātou. Te Tamana Paia, puipui malu ki a te ki lātou i te mana o tō igoa, te igoa na kē tuku maia ki a te au, kae ke tahi ai ki lātou e vē ona tahi koe ma au.

Ioane 17:13

Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.