Ioane 7:31 - Tokelauan New Testament

³¹ Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 7:31 ပူးပေါင်းရင်းမြစ်များ

Mataio 12:23

Na ofo lele te kaifenua uma ki te mea kua fai e Iehu, ma lea vē, “E hē ko te Ataliki nei tēnei o Tavita?”

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Ioane 11:45

E tokalahi nā tino Iutaia na ōmamai oi āhi ia Malia, na ki lātou kitea te mea na fai e Iehu, ma na talitonu ai ki a te ia.

Ioane 12:11

ona ko te mea na tupu ki a te ia, kua teteke ake ai te tokalahi o tagata Iutaia ki a te ki lātou, ka kua talitonu ki a Iehu.

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 4:29

“Ōmamai oi kikila ki te tamāloa na ia taku maia ki a te au, nā mea uma lele a āku na fai. E hē ko ia nei te Mehia?”

Ioane 4:39

E tokalahi ia tagata Hāmālia i te kakai tēnā na talitonu ki a Iehu, ona ko te fafine na lea vē, “Na ia taku maia ki a te au, nā mea uma lele a āku na fai.”

Ioane 6:2

E tokalahi te kaifenua kua mulimuli atu ki a te ia, ona na kitea e ki lātou nā fakailoga na ia faia na fakamālōlō ai nā tauale.

Ioane 7:26

Kae kikila atu, e tautala i mua tagata, ma e hēai lele he lātou tala e fai ki ei! Pe ona nei e ki lātou iloa ko ia ko te Mehia?

Ioane 9:16

Ko iētahi o te kau Falehaio kua lea vē, “Ko te tino na ia faia te mea tēnei e hē he tino e hau mai te Atua, auā kua hē uhitaki ki te tūlāfono e uiga ki te Hāpati.” Ka ko iētahi kua lea vē, “E vēhea ona mafai e he tino agahala oi fai ni fakailoga vēnei?” Oi na i ei ai he fekehekeheakiga ia te ki lātou.

Gāluega 8:13

Ko Himona foki na talitonu; ma i te umaga o te papatihoga o ia, oi mulimuli ai lava ki a Filipo, ma na ofo lele i te ia kiteaga o nā mea ofoofogia ma nā vāvega nae fai.

Iakopo 2:26

Ko te tino e hē mānava kua mate, ma e vēnā foki te fakatuatua e aunoa ma ni gāluega, kua mate.