Ioane 7:30 - Tokelauan New Testament

³⁰ Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:30 ပူးပေါင်းရင်းမြစ်များ

Mataio 12:14

Oi olo ai te kau Falehaio ki fafo, ma taupulepule ki he faiga ke tāmate ai ia Iehu.

Mataio 21:46

oi taumafai ai loa ki lātou ke puke ia Iehu. Kae nae mātataku i te kaifenua, auā ko nā tino e talitonu lava, ko Iehu ko he pelofeta.

Maleko 11:18

I te lagonaga e nā ohitāulaga hili ma nā faiakoga o te Tūlāfono te mea tēnei, oi kāmata ai kua tau hakili e ki lātou he auala ke tāmate ai ia Iehu. Kua mātataku ki lātou ia Iehu, ona ko te kaifenua kua ofo uma lele ki ana akoakoga.

Luka 20:19

Na taumafai nā faiakoga o te Tūlāfono ma nā ohitāulaga hili, ke puke fakapagotā ia Iehu i te taimi lava tēnā, auā kua ki lātou hāfia ko te talafakatuha tēnei na fai fakatatau ki a te ki lātou; kae nae mātataku i nā tino.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 10:31

Oi toe papae ifo ai nā tino Iutaia ki ni fatu ka fetogi ai ia Iehu.

Ioane 10:39

Oi toe taumafai ai foki ki lātou ke puke ia Iehu, kae kua hola kehe ia mai ia te ki lātou.

Ioane 11:57

Oi fai ai te fakatonuga a nā ohitāulaga hili ma te kau Falehaio, ho he tino e ia iloa te mea e i ei ia Iehu, e tatau ke fakailoa ake, kae ke mafai ai e ki lātou oi puke.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”

Ioane 7:32

Kua lagona a nā Falehaio nā mea e tautatala muhumuhu ai nā tino e uiga ki a Iehu, oi fakatonu ai e ki lātou ma nā ohitāulaga hili nā fitafita, ke puke ia Iehu.

Ioane 7:6

Kua vāgana atu ia Iehu ki a te ki lātou, “Ko te taimi o oku ko hēki pa mai. Kae ko koutou, ho he taimi lava e lelei mo koutou.

Ioane 7:8

Olo koutou ki te Kaiga Fakamanatu. Ko au e hē fano auā ko hēki pa ki te taimi hako mo au.”

Ioane 8:20

Ko nā kupu iēnei na tautala ai ia Iehu, ka koi akoako atu i loto o te Mālumalu, i te potu e i ei nā puha e tuku ki loto nā tāulaga tupe ma nā meaalofa a tagata. Kae e hēki pukea ia e nā tino, auā ko tona taimi ko hēki pa mai.

Ioane 8:37

E iloa e au ko koutou ni lāpuna e o Apelaamo. Kae ko koutou e taumafai ke fahioti au, auā e hē koutou taliagia taku akoakoga.

Ioane 8:59

Oi tago ai ki lātou ki nā fatu ka fetogi ia Iehu, kae kua fakalafi ia Iehu mai ia te ki lātou, ma fano kehe ai mai te Mālumalu.

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.