Ioane 7:28 - Tokelauan New Testament

²⁸ Ka koi akoako atu ia Iehu i te Mālumalu, na lea leo lahi lele ai vē, “Oi, e koutou iloa au ma te mea e hau ai au, ni? Ko au e hēki hau i haku pule. Kae ko tē na ia uga maia au, e fakamāoni. E hē koutou iloa ia,

Ioane 7:28 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Luka 2:11

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

Luka 2:39

Kua uma te fakataunuku e Iohefa ma Malia nā mea uma nae tatau ke ki lā faia e tuha ai ma te Tūlāfono a te Aliki, oi toe foki ai ki to lā nuku ko Nahaleta i Kalilaia.

Luka 2:4

Na vēnā foki la ia Iohefa, na fanatu mai te kakai ko Nahaleta i Kalilaia, ki te kakai ko Peteleema i Iutea, te mea na fānau mai ai te Tupu ko Tavita. Na fano ki ei ona ko ia na tupuga mai ia Tavita.

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Ioane 1:46

Kua lea atu ia Natanielu “Kogā e i ei he mea lelei e mafai ke hau mai i Nahaleta?”. “Hau oi kikila,” kua tali mai ia Filipo.

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 12:49

Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Ioane 5:32

Kae e i ei te tino e molimau e uiga ki a te au, ma e iloa e au ko tana molimau e hako.

Ioane 5:43

E hau au ma te pule a toku Tamana, kae hē koutou talia au; kae kāfai hētahi tino e hau i tana lava pule, e talia e koutou.

Ioane 6:42

Kua lea vē ki lātou, “E hē ko Iehu tēnei te ataliki o Iohefa, ko ona mātua e ki tātou iloa uma? Kae e vēhea la ona lea ko ia na fanaifo mai te lagi?”

Ioane 7:14

Pe kua teka te āfa o nā aho o te Kaiga Fakamanatu, oi fano ia Iehu ki te Mālumalu, oi akoako atu ki tagata.

Ioane 8:14

Oi tali atu ai ia Iehu, “E tuha pe ko au e molimau lava au ki a te au, ko taku takutinoga e hako, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei.

Ioane 8:16

Kae kāfai foki e kō fakamahinoa, ko taku fakamahinoga e hako, auā e hē kō faia tautahi; kae e fai e au fakatahi ma tē na ia uga maia au.

Ioane 8:19

Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”

Ioane 8:26

E lahi lele nā mea e tatau ke tautala ai au e uiga kia te koutou, e lahi nā mea e fakahalagia ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o te tēnei lalolagi, nā mea na kō lagona mai ia te ia.”

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 9:29

E iloa e ki mātou ko te Atua na vāgana ki a Mohe; ka ko te tino tēnā e lea mai ai koe, e hē ki mātou iloa foki pe hau mai fea!”

Gāluega 17:23

Auā i te kui atuga o oku i te koutou kakai ma kikila ki nā mea e tāpuaki ai koutou, na kō kitea ai he fata faitāulaga e tuhi ai, ‘Ki he Atua e Hē Iloa.’ Ko te Atua la tēnā e tāpuaki koutou ki ei, e ui lava e hē koutou iloa, ko te Atua ia e folafola atu nei e au ki a te koutou.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

Loma 3:4

Hēai, e hē vēnā! E ui lava ko tagata uma lele e talapepelo, ka ko te Atua lava ia e fakamāoni, e vē oi lea mai ai te tuhituhiga paia, “E tatau ke kitea te hako o au kupu; e tatau ke mālō koe kāfai e fai hō fakamahinoga.”

2 Kolinito 1:18

E molimau te Atua fakamāoni, ko taku folafolaga na fai atu ki a te koutou, e hē he “Io” pe he “Hēai.”

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

1 Ioane 5:10

Ko te tino la e talitonu ki te Ataliki o te Atua, kua i tona loto te molimau tēnei; kae ko te tino e hē talitonu ki te Atua, kua ia taku pepelogia te Atua, auā e hē talitonu ki te molimau a te Atua e uiga ki tona Ataliki.