Ioane 7:17 - Tokelauan New Testament

¹⁷ Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Ioane 7:17 ပူးပေါင်းရင်းမြစ်များ

Mataio 6:22

“Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālamalama;

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Ioane 3:21

Ka ko nā tino e ki lātou faia te mea e tonu, e ōmamai ki te mālamalama kae ke kitea ai i te mālamalama, ko nā mea e ki lātou faia, e fai i luga o te uhitaki ki te Atua.

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Ioane 8:47

Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.