Ioane 6:71 - Tokelauan New Testament

⁷¹ Ko Iehu nae tautala e uiga ki a Iuta, te ataliki o Himona Ihikaliota. E ui lava ko Iuta ko hētahi o te toka hefulu lua, kae ka fakalata e ia ia Iehu.

Ioane 6:71 ပူးပေါင်းရင်းမြစ်များ

Mataio 10:2

Ko nā igoa iēnei o nā apohitolo e toka hefululua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio;

Mataio 10:4

ko Himona te Lotonuku, ma Iuta te Ihikaliota, tē na ia fakalata ia Iehu.

Maleko 14:10

Oi fano ai ia Iuta te Ihikaliota, he tino o te kau hoko e toka hefululua, ki nā ohitāulaga hili oi lea ki ei e ia mafaia oi fakalata ia Iehu, kae ke mafai ai oi puke e ki lātou.

Ioane 12:4

Ko tētahi hoko o Iehu, ia Iuta te Ihikaliota — tēia ka fakalata e ia ia Iehu, kua lea vē atu,

Ioane 13:2

I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.

Ioane 13:26

Kua tali mai ia Iehu, “Ko te tino ka fōki e au ki ei te mea falaoa kāfai e uma te kō lolōa ki loto o te ipu, ko ia tēnā.” Oi tago ai ki te mea falaoa, kua lolō ma foki ki a Iuta, te ataliki o Himona Ihikaliota.

Ioane 2:2

ma na valakaulia ai foki ia Iehu ma ona hoko.

Ioane 20:24

Ko tētahi o te kau hoko e toka hefulu lua, ko Toma (e fakaigoa ko te Māhaga), nae hē i ei fakatahi ma ki lātou i te hauga ki ei o Iehu.

Ioane 6:64

Kae e i ei nā tino o koutou e hē talitonu.” (Na iloa lava e Iehu i te kāmataga, nā tino e hē talitonu ake ki a te ia, ma te tino e ia fakalatagia ia.)

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.