Ioane 6:64 - Tokelauan New Testament

⁶⁴ Kae e i ei nā tino o koutou e hē talitonu.” (Na iloa lava e Iehu i te kāmataga, nā tino e hē talitonu ake ki a te ia, ma te tino e ia fakalatagia ia.)

Ioane 6:64 ပူးပေါင်းရင်းမြစ်များ

Mataio 10:4

ko Himona te Lotonuku, ma Iuta te Ihikaliota, tē na ia fakalata ia Iehu.

Ioane 10:26

kae ko koutou e hē talitonu, auā ko koutou e hē ni māmoe e āku.

Ioane 18:4

Kua uma te iloa e Iehu o nā mea uma ka pa ia ki ei, oi hau ai ki mua, ma lea vē atu ki a te ki lātou, “Ko ai ta koutou e hakili?”

Ioane 5:42

Kae e iloa e au te itūkāigā tino e i ei koutou, ma e iloa e au e hē i outou loto, he alofa ki te Atua.

Ioane 6:36

E vē ona lea atu au, kua uma te koutou kiteagia au, kae ko koutou e hē fia talitonu.

Ioane 6:60

Ko te tokalahi o tagata nae mulimuli ki a Iehu, na ki lātou lagona atu te mea tēnei, oi lea vē ai, “Kai te faigatā ātili o tēnei akoakoga. Ko ai te fia fakalogo ki ei?”

Ioane 6:61

E hēki lea he tino ki a Iehu, ka kua uma te ia iloa o te mea e mūimui ai ki lātou. Oi lea atu ai ki a te ki lātou, “Ko koutou nei ka fakavāivai ona ko te mea tēnei?

Ioane 6:66

Ona ko te mea tēnei, na holomuli ai te tokalahi o ki lātou nae mulimuli ki a Iehu, kua hē toe mulimuli ki ei.

Ioane 8:23

Kua tali atu ia Iehu, “Ko koutou e o lalo nei, kae ko au e mai lugā. Ko koutou e ōmamai i te lalolagi, kae ko au e hē hau mai te lalolagi.

Ioane 8:55

E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 4:13

E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.