Ioane 6:54 - Tokelauan New Testament

⁵⁴ Ko nā tino e kakai ki toku kanofi ma inu ki toku toto, e maua e ki lātou te ola e fakavavau, ma e kō fakatutūa ki lātou ki te ola, i te aho mulimuli.

Ioane 6:54 ပူးပေါင်းရင်းမြစ်များ

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 6:47

E takutino atu e au ki a te koutou te meamoni; ko ai lava he tino e talitonu, ka maua e ia te ola e fakavavau.

Ioane 6:55

Auā ko toku kanofi ko te meakai moni ia, ma toku toto ko te vai inu moni ia.

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.