Ioane 6:39 - Tokelauan New Testament

³⁹ Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Ioane 6:39 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 18:14

E vēnā foki lava oi hē fofou te koutou Tamana i te lagi ke galo hētahi o ki lātou nei e tamaiti.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,

Ioane 17:9

“Ko au e tatalo mo ki lātou. Ko au e hē tatalo mo tagata o te lalolagi, kae mo ki lātou uma na kē filifilia ke mulimuli mai ki a te au, auā e a koe ki lātou.

Ioane 18:9

Na lea vēnā ia Iehu kae ke taunuku ai tana kupu na lea ai vē, “Te Tamana, e hēki i ei he tino e fokotahi o ki lātou na kē fōki maia ki a te au, na māumau tona ola.”)

Ioane 5:28

Koutou nahe tēteki i te mea tēnei! E hau te taimi ka lagona ai e tagata oti uma, te leo o te Ataliki o te Tagata,

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 6:44

E hē mafai nā tino ke ōmamai ki a te au, vaganā e takitaki mai ki a te au e te Tamana, tē na ia uga maia au; ma e kō fakatutūa ki lātou ki te ola, i te aho mulimuli.

Ioane 6:54

Ko nā tino e kakai ki toku kanofi ma inu ki toku toto, e maua e ki lātou te ola e fakavavau, ma e kō fakatutūa ki lātou ki te ola, i te aho mulimuli.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

1 Kolinito 6:14

Ko te Atua na ia fakatūa te Aliki mai te oti, ma ka ia fakatutūa foki ki tātou i tona mana.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho: