Ioane 6:36 - Tokelauan New Testament

³⁶ E vē ona lea atu au, kua uma te koutou kiteagia au, kae ko koutou e hē fia talitonu.

Ioane 6:36 ပူးပေါင်းရင်းမြစ်များ

Luka 16:31

Ka kua lea atu ia Apelaamo, ‘Kāfai ka hē fakalogo ki lātou ki a Mohe ma te kau pelofeta, e tuha lava pe i ei he tino e fakatū mai te oti, ka hē mafai lava ki lātou ke talitonu.’ ”

Ioane 12:37

E ui na ia faia nā fakailoga uma iēnei i mua o tagata, e hēki talitonu ki lātou ki a te ia,

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 6:26

Kua tali mai ia Iehu, “E takutino atu e au ki a te koutou te meamoni; ko au e koutou hakilia ona ko koutou na kakai mākokona i nā falaoa, kae hē ona ko koutou kua mālamalama i nā fakailoga na fai e au.

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 6:64

Kae e i ei nā tino o koutou e hē talitonu.” (Na iloa lava e Iehu i te kāmataga, nā tino e hē talitonu ake ki a te ia, ma te tino e ia fakalatagia ia.)