Ioane 5:5 - Tokelauan New Testament

⁵ Nae i ei i kinā he tamāloa kua kātoa te tolu hefulu valu tauhaga talu te tauale.

Ioane 5:5 ပူးပေါင်းရင်းမြစ်များ

Maleko 9:21

Na fehili atu loa ia Iehu ki te tamana o te taumalo, “He ā nei te mataloa talu te tauale vēnei?” Kua tali mai te tamana, “Na tauale vēnei mai lava ka koi tamaiti lele.

Luka 13:16

Ka ko te lāpuna tēnei o Apelaamo, kua kātoa te hefulu valu tauhaga e noanoatia e Hātani; e hē tatau nei ke tatala i te Hāpati?”

Luka 8:43

Nae i te kaifenua tēnā, he fafine kua kātoa te hefululua tauhaga e tauale i te punatoto; kua mole ana tupe i te totōgiga o nā fomai kae e hēki mafai ke fakamālōlō e he tino.

Ioane 5:14

Mulimuli ake, oi maua ai e Iehu te tamāloa i te Mālumalu ma vāgana atu ai ki ei, “Fakalogo lelei mai, ko koe kua mālōlō, nahe kē toe faia la te agahala, auā e i nā tupu hētahi mea ki a te koe e hili atu te kino.”

Ioane 5:6

Kua kitea atu e Iehu e takoto mai, ma kua ia iloa foki kua mataloa lele tona tauale; oi fehili atu ai ki ei, “E fofou koe ko koe ke mālōlō?”

Ioane 9:1

E havali atu ia Iehu kae ia kitea he tamāloa na fānau mai lava e tāuaho.

Ioane 9:21

Kae e hē ki mā iloa pe na vēhea ona mafai ke toe pupula ona mata, kae pe ko ai foki te na ia fakamālōlōa mai tona tāuaho. Fehili ki ei; kua matua ma kua ia mafaia lava oi tali mo ia!”

Gāluega 14:8

Nae i Luotala he tamāloa nae pipili talu te fānau mai, ma e hēki mafai lele ke havali.

Gāluega 3:2

I kinā i te Faitotoka Gali, e vē ona fakaigoa ai e tagata, nae i ei ai he tino nae pipili i tona ōlaga kātoa. Ko aho uma e hauhau mai ai ki te faitotoka tēnei ke kaitagōgō tupe ai ki tagata e holo ki loto o te Mālumalu.

Gāluega 4:22

Ko te taulealea na fakamālōlō e ala i te vāvega, kua hili atu i te fahefulu tauhaga tona matua.

Gāluega 9:33

I kinā na fetaui ai ma he tino e igoa ki a Ainea, he tino nae mate ni vāega o tona tino ma kua kātoa te valu tauhaga e hē mafai ke fano kehe mai tona moega.