Ioane 5:42 - Tokelauan New Testament

⁴² Kae e iloa e au te itūkāigā tino e i ei koutou, ma e iloa e au e hē i outou loto, he alofa ki te Atua.

Ioane 5:42 ပူးပေါင်းရင်းမြစ်များ

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Ioane 2:25

E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Ioane 5:41

“Ko au e hē fofou ki ni vīkiga mai tagata.

Ioane 5:43

E hau au ma te pule a toku Tamana, kae hē koutou talia au; kae kāfai hētahi tino e hau i tana lava pule, e talia e koutou.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 8:47

Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”

Ioane 8:55

E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

1 Ioane 2:15

Koutou nahe alolofa ki te lalolagi pe ko nā mea o te lalolagi. Kāfai koutou e alolofa ki te lalolagi, ko koutou la e hē alolofa ki te Tamana.

1 Ioane 3:17

Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?

1 Ioane 4:20

Kāfai ki tātou e lea ko ki tātou e alolofa ki te Atua kae inoino ki o tātou uho ma o tātou tuafafine, ko ki tātou ni tino tala pepelo. Auā e hē mafai ki tātou ke alolofa ki te Atua e hē ki tātou kiteagia, kāfai ki tātou e hē alolofa ki o tātou uho ma o tātou tuafafine e kitea e ki tātou.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.