Ioane 5:35 - Tokelauan New Testament

³⁵ Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Ioane 5:35 ပူးပေါင်းရင်းမြစ်များ

Mataio 11:11

E takutino atu e au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane te Papatiho. Kae ko te tino e pito hili ona hē tāua i te Mālō o te lagi, e hili atu la tona tāua i lo Ioane.

Mataio 21:26

Kae kāfai ki tātou e lea, ‘E mai tagata,’ e popole foki ki tātou ki he mea e ono fai e nā tino, auā e talitonu uma ki lātou, ko Ioane ko he pelofeta.”

Maleko 1:5

Oi gāholo atu ai ki ei ia tagata mai nā itūmālō uma o Iutea, vēnā foki ma nā tino uma o Ieluhalema. Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Luka 7:28

E lea atu au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane. Kae ko te tino e pito hili ona hē tāua i te Mālō o te Atua, e hili atu la tona tāua i lo Ioane.”

Ioane 6:66

Ona ko te mea tēnei, na holomuli ai te tokalahi o ki lātou nae mulimuli ki a Iehu, kua hē toe mulimuli ki ei.

2 Petelu 1:19

Oi kua ātili ai la to mātou mautinoa e tuha ai ki te fekau na fakailoa mai e te kau pelofeta. E hili la te koutou talitonu ki ei, auā e vē ko he lāmepa e mumū i he mea pōuli ke pa ki te tafa o ata o te Aho, ma huhulu atu ai te fetu o te taeao ki outou loto.