Ioane 5:34 - Tokelauan New Testament

³⁴ E hē vē la e manakomia e au te molimau a he tino; kae ko au kua lea atu vēnei, kae ke fakaola ai koutou.

Ioane 5:34 ပူးပေါင်းရင်းမြစ်များ

Luka 13:34

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 5:32

Kae e i ei te tino e molimau e uiga ki a te au, ma e iloa e au ko tana molimau e hako.

Ioane 5:41

“Ko au e hē fofou ki ni vīkiga mai tagata.

Ioane 8:54

Kua tali atu ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana — ko ia tēnā e lea koutou ko te koutou Atua.

Loma 10:1

Oku uho, te naunau lahi ko o toku loto ke mafai oku tagata ke fakaolagia! Ko au e tatalo pea lava ki te Atua mo ki lātou.

Loma 10:21

Kae na lea vē e uiga ki tagata o Ihalaelu, “I te aho kātoa e falōlō atu oku lima ke toe foki mai oku tagata hē uhitaki ma fakatuikehe.”

Loma 12:21

Nahe fakatōkilalogia lele koutou e te kino, kae fakatōkilalo te kino e te lelei.

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

1 Ioane 5:9

E talia e ki tātou te molimau a tagata, kae ko te molimau a te Atua e hili atu lele te mālohi, ma kua molimau ia e uiga ki tona Ataliki.