Ioane 5:30 - Tokelauan New Testament

³⁰ “E hēai he mea e kō mafaia i haku pule tautahi; e kō fakamahinoa e vēia ona fakatonu mai ai au e te Atua. Ko taku fakamahinoga la e tonu, auā ko au e hē taumafai ke fai te mea e fofou au ki ei, ka ko te mea e fofou ki ei tē na ia uga maia au.

Ioane 5:30 ပူးပေါင်းရင်းမြစ်များ

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 18:11

Kua lea atu ia Iehu ki a Petelu, “Tuku tau pelu ki tona huluga! Ko tō manatu ko au ka hē inu ki te ipu o nā puapuagā kua tuku mai e toku Tamana ki a te au?”

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 5:19

Oi vāgana atu ai ia Iehu ki a te ki lātou, “E takutino atu e au ki a te koutou te meamoni; e hē mafai e te Ataliki ona fai he mea nā ko ia; kae e ia faia oioti nā mea e ia kitea e fai e tona Tamana. Ko te mea lava e fai e te Tamana, e fai foki e te Ataliki.

Ioane 6:38

auā ko au e hēki fanaifo mai te lagi ke fai te mea e loto au ki ei, kae ke fakataunuku te finagalo o tē na ia uga maia au.

Ioane 8:28

Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 8:50

E hē kō hakilia ni vīkiga mo oku. Kae e i ei te tino e fofou ko au ke vīkia, ma ko ia tēnā ka faia te fakamahinoga.

Loma 15:3

Auā e hēki faia e Keliho ni mea ke fiafia ai lava ia. Kae e vē oi lea mai te tuhituhiga paia, “Ko a lātou kupu tau fakakino na lafo atu ki a te koutou, kua pakukū uma mai ki oku luga.”

Loma 2:2

E iloa e ki tātou te hako o te fakamahinoga a te Atua, mo nā tino e ki lātou faia nā mea vēnei.

Loma 2:5

Kae ona ko tō loto e faigatā ma makaka, ka fakalahi ai lava e koe tō fakahalaga i te Aho e fakaalia ai e te Atua tona tōkahā, ma te tonu o tana fakamahinoga.