Ioane 5:25 - Tokelauan New Testament

²⁵ E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Ioane 5:25 ပူးပေါင်းရင်းမြစ်များ

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Ioane 4:21

Kua lea atu ia Iehu, “Te māfine, e talitonu mai koe, e hau te taimi e hē toe tāpuaki ai ia tagata ki te Tamana i luga o te mauga tēnei, pe i Ieluhalema.

Ioane 4:23

Kae e hau te taimi, ma kua i kinei i te taimi nei, ka tāpuaki atu ai ki te Tamana ia tagata, i te mālohi o te Agaga o te Atua, ma kavatu ki a te ia te tāpuakiga e moni ma fofou ia ki ei.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Ioane 5:28

Koutou nahe tēteki i te mea tēnei! E hau te taimi ka lagona ai e tagata oti uma, te leo o te Ataliki o te Tagata,

Ioane 6:60

Ko te tokalahi o tagata nae mulimuli ki a Iehu, na ki lātou lagona atu te mea tēnei, oi lea vē ai, “Kai te faigatā ātili o tēnei akoakoga. Ko ai te fia fakalogo ki ei?”

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Ioane 8:47

Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”

Ioane 9:27

Kua tali mai te tamāloa, “Kua uma toku lea atu ki a te koutou, kae ko koutou e hē fia fakalogo. He ā la te fofou ai koutou ke toe lea atu au ki te mea na pa au ki ei? Ko koutou foki kua fia kavea ma ona hoko?”

Loma 6:4

I te papatihoga la o ki tātou, ko ki tātou na oti ma na tanu fakatahi ma Keliho. Ko ki tātou na papatiho kae ke ola ai ki tātou i he ola fou, e vē ona toe fakatū ia Keliho ki te ola i te mana o te Atua te Tamana.

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.