Ioane 5:22 - Tokelauan New Testament

²² E hē fakamahinoagia foki e toku Tamana he tino. Kua fōki e ia ki tona Ataliki te pule kātoa ke fakamahino ai,

Ioane 5:22 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 3:35

Ko te Tamana e alofa ki tona Ataliki, ma kua ia tukuatua ki ei nā mea uma.

Ioane 5:27

Kua tuku atu foki e te Tamana ki te Ataliki, te pule ke ia fakamahinoa ai ia tagata uma, auā ko ia ko te Ataliki o te Tagata.

Ioane 9:39

Kua vāgana atu ia Iehu, “Ko au na hau ki te lalolagi ke fakamahino, kae ke pupula ai nā mata o nā tino nae tāuaho, kae tāuaho nā tino nae pupula o lātou mata.”

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

2 Timoteo 4:1

I mua o te Atua ma i mua o Keliho Iehu, tē ka haele mai ko ia ko te Tupu ma ka ia fakamahinoagia nā tino ola ma nā tino oti, ko au e aioi atu ki a te koe

1 Petelu 4:5

Kae ka tali atu ki lātou ki te Atua mo a lātou mea uma na fai. Kua hāuni te Atua ke fakamahino ia tagata ola vēnā tagata kua feoti.