Ioane 5:18 - Tokelauan New Testament

¹⁸ Ko te kupu iēnei a Iehu na ātili ai lava te fia tāmate ki ei o nā takitaki o Iutaia. Ona kua hē gata i te ia holia o te Hāpati, kae kua lea foki ko tona Tamana ko te Atua, ma ia fakatutuhagia ia ma te Atua.

Ioane 5:18 ပူးပေါင်းရင်းမြစ်များ

Mataio 12:5

Pe hēki faitau koutou ki te Tūlāfono a Mohe e lea mai, i Hāpati uma lava, ko te tūlāfono o te Hāpati e holi e nā ohitāulaga i loto o te Mālumalu kae e hē hala lele ai ki lātou?

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 10:30

Ko te Tamana ma au, e tahi ki māua.”

Ioane 10:33

Kua tali mai nā tino Iutaia, “Ko koe e hē fia fetogia e ki mātou ona ni gāluega lelei e a koe na fai, kae ona ko koe kua fāifāi ki te Atua. Ko koe kua nā ko he tagata, kae ko koe e taumafai ke kavea koe ma Atua.”

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 14:9

Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Ioane 19:7

Kua tali mai nā tino Iutaia, “E tuha ai ma te mātou tūlāfono, ko te tagata tēnei e tatau tāmate, auā kua fai tana fakamatalaga ko ia ko te Ataliki o te Atua.”

Ioane 5:15

Oi fano ai te tamāloa kua lea ki nā takitaki o Iutaia, ko Iehu te tino na ia fakamālōlōa ia.

Ioane 5:16

Oi kāmata ai ia fakahāuāga a takitaki o Iutaia ki a Iehu, ona na ia fakamālōlōa he tino i te Hāpati.

Ioane 5:17

Kae kua tali atu ia Iehu ki a te ki lātou, “Ko toku Tamana e galue pea lava, ma ko au foki la e tatau lava ke galue.”

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”

Ioane 8:54

Kua tali atu ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana — ko ia tēnā e lea koutou ko te koutou Atua.

Ioane 8:58

Kua tali mai ia Iehu, “E takutino atu e au ki a te koutou te meamoni, ka ko hēki fānau mai ia Apelaamo, ka kua i ei Au Ko Au Lava Au.”

Filipi 2:6

Nae ia te ia lava te natula o te Atua, kae e hēki fofou lele ko ia ke tūmau te tutuha ma te Atua.

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,

Fakaaliga 22:3

Ka hē toe i ei lele he mea na fetū e te Atua e maua i loto o te kakai. Kae ka i loto ai te nofoāliki o te Atua ma te Punuamāmoe, ma ka ifo atu ki a te ia ana kaukauna.