Ioane 5:17 - Tokelauan New Testament

¹⁷ Kae kua tali atu ia Iehu ki a te ki lātou, “Ko toku Tamana e galue pea lava, ma ko au foki la e tatau lava ke galue.”

Ioane 5:17 ပူးပေါင်းရင်းမြစ်များ

Mataio 10:29

E hē lua nei ni tamā manulele e mafai ke fakatau atu i he pene e fokotahi? Kae e hēai he tamā manulele e pakū tauanoa ki te kelekele, kāfai e hē loto ki ei te koutou Tamana i te lagi.

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 5:16

Oi kāmata ai ia fakahāuāga a takitaki o Iutaia ki a Iehu, ona na ia fakamālōlōa he tino i te Hāpati.

Ioane 5:18

Ko te kupu iēnei a Iehu na ātili ai lava te fia tāmate ki ei o nā takitaki o Iutaia. Ona kua hē gata i te ia holia o te Hāpati, kae kua lea foki ko tona Tamana ko te Atua, ma ia fakatutuhagia ia ma te Atua.

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.

Gāluega 14:17

Kae nae ia fakaalia pea lava nā fakamāoniga ke iloa ai e tagata ko ia ko te Atua, e ala i nā gāluega lelei a ia e fai; e ia fōkia atua nā ua mai te lagi ma nā fuata o lākau i nā taimi e tatau ai; e ia fōkia atua nā meakai, ma fakatūtumu outou loto i te fiafia.”

Gāluega 17:28

e vē oi lea ai hētahi tino, ‘E ala ia te ia, kua ola ma gāoioi ma tūmau ai pea ki tātou.’ E vē foki ko nā kupu a iētahi tino fatuholo o koutou, ‘Ko ki tātou uma ni fānau lava e a ia.’

1 Kolinito 12:6

E i ei nā itūkāigā mālamalama kehekehe e fakatino ai nā tautuaga, kae ko te Atua lava e fokotahi te maua ai te mālamalama e tagata uma, mo a lātou gāluega e tautua ai.

Kolohe 1:16

Auā ko nā mea uma lele i te lagi ma te lalolagi, nā mea e kitea ma nā mea e hē kitea, fakatahi ai ma nā pule o agaga, aliki, tupu ma taupulega, na gaohia e te Atua e ala ia Keliho ma e mo ia.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.