Ioane 4:53 - Tokelauan New Testament

⁵³ Oi manatua ai e te tamana, ko te taimi tonu foki lava tēnā na lea vē ake ai ia Iehu ki a te ia, “Ko tō ataliki e hē oti.” Oi na talitonu ai loa te tino ofiha ki a Iehu, fakatahi ma tona kau kāiga uma.

Ioane 4:53 ပူးပေါင်းရင်းမြစ်များ

Mataio 8:13

Oi lea atu ai ia Iehu ki te takitakikau, “Fano loa ki tō fale. Ko te mea e talitonu koe ki ei, ka vēnā lava oi fakataunuku mo koe.” Ko te taimi lava tēnā na mālōlō ai te kaukauna a te takitakikau.

Luka 19:9

Kua lea atu ia Iehu ki ei, “Ko te aho nei kua maua ai e te kāiga tēnei te fakaolataga, auā ko te tagata foki tēnei he lāpuna e o Apelaamo.

Ioane 4:51

Ka koi fanatu ia i te auala ki tona fale, kae fakafetaui mai ki ei ana kaukauna, oi lea vē atu ai nā kaukauna ki ei, “Ko tō ataliki kua mālohi.”

Ioane 4:52

Kua fehili atu te tino ofiha ki a te ki lātou pe ko he ā te taimi tonu na kāmata ai oi mālohi tona ataliki, ma na tali mai nā kaukauna, vē mai, “Ko te itūlā e tahi i te afiafi ananafi na teka ai tona fiva.”

Gāluega 11:14

Ka tautala atu ia ki a te koe i nā kupu e fakaola ai koe, vēnā ma tō kaukāiga kātoa.’

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Gāluega 16:34

Oi kave ai e ia ia Paulo ma Hila ki tona fale ma fai te lā katiga. Na fakatumulia i te fiafia te leoleo falepuipui ma tona kau kāiga, auā ko ki lātou kua talitonu ki te Atua.

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 2:39

Auā ko te folafolaga a te Atua, na fai ki a te koutou ma autou fānau vēnā ki nā tino uma lele e nonofo mamao — ki lātou uma kua valakaugia e te Atua to tātou Aliki, ke ōake ki a te ia.”