Ioane 4:48 - Tokelauan New Testament

⁴⁸ Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Ioane 4:48 ပူးပေါင်းရင်းမြစ်များ

Mataio 16:1

Ko iētahi o te kau Falehaio ma te kau Hatukaio kua ōmamai ke tofotofo ia Iehu, oi na lea ai ki ei ke fai he fakailoga ofoofogia mo ki lātou, ke iloa ai pe kua ia te ia moni te pule mai te Atua.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 27:42

“Na fakaola e ia iētahi tino, ka ko tē e hē ia mafaia oi fakaola ia ia lava! E hē ko ia nei ko te Tupu o Ihalaelu? Kāfai e ia mafaia oi fanaifo ki lalo o te hātaulo, oi fātoā talitonu ai ki tātou ki ei.

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Luka 10:18

Kua tali atu ia Iehu, “Na kō kitea te pakū ifoga o Hātani mai te lagi e vē ko te napa a te uila.

Luka 16:31

Ka kua lea atu ia Apelaamo, ‘Kāfai ka hē fakalogo ki lātou ki a Mohe ma te kau pelofeta, e tuha lava pe i ei he tino e fakatū mai te oti, ka hē mafai lava ki lātou ke talitonu.’ ”

Ioane 12:37

E ui na ia faia nā fakailoga uma iēnei i mua o tagata, e hēki talitonu ki lātou ki a te ia,

Ioane 15:24

Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 2:18

Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”

Ioane 20:29

Kua vāgana atu ia Iehu ki a te ia, “Ko koe kua talitonu ona kua kē kiteagia au? Amutia nā tino e talitonu kae hē ki lātou kitea au!”

Ioane 4:49

Ka kua tali mai te tino ofiha, “Te aliki, hau ko ta olo ka ko hēki oti toku ataliki.”

Gāluega 14:3

Na mataloa te taimi na nonofo ai nā apohitolo i kinā. Nae hē mātataku lele oi tautatala e uiga ki te Aliki, tē kua ia fakamāoniagia te moni o te lā fekau e uiga ki tona alofa tūnoa, e ala i te mana na ia tuku akea ki a te ki lāua ke fai ai nā vāvega ma nā mea ofoofogia.

Gāluega 15:12

Ko te maopoopoga kātoa e hēai he tino na magagū ka koi fakalogologo ki te līpoti a Panapa ma Paulo e uiga ki nā vāvega ma nā mea ofoofogia uma a te Atua na fakatino i te mea e i ei ai ia tagata nukukehe, e ala ia te ki lāua.

Gāluega 2:19

Ka kō faia ni vāvega i te lagi i luga, ma ni fakailoga i te lalolagi i lalo. Ka i ei te toto, te afi, ma te ahu māfiafia;

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 2:43

E lahi nā vāvega ma nā fakailoga na fai e ala i te kau apohitolo, ma na mātataku lele ai ia tagata uma.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

Gāluega 5:12

E lahi nā vāvega ma nā fakailoga na fai e te kau apohitolo i te mea nae i ei ia tagata. Ko nā tino uma lele kua talitonu ki a Iehu kua fakapotopoto fakatahi i te Poletito o Holomona.

Gāluega 6:8

Ko Hetefano ko he tino na fakamanuiagia lahi e te Atua ma nae ia te ia te mana. Na fai e ia nā vāvega uiga kehe ma nā mea ofoofogia i te mea e i ei ia tagata.

Gāluega 7:36

Na ia takitakia ona tagata ki fafo mai Aikupito, ma faia nā vāvega ma nā mea ofoofogia i Aikupito ma te Tai Kukula, ma vēnā foki i te vao i nā tauhaga e fahefulu.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

1 Kolinito 1:22

Ko tagata Iutaia e fofou ki ni vāvega ke fai ma fakamāoniga, ka ko tagata Eleni e hakilikili ki te poto.

2 Kolinito 12:12

Ko te lahi o nā fakailoga ma nā mea ofoofogia e fakamāonia ai ko au ko he apohitolo, nae kō fakatinoa i te mea e i ei koutou ma toku onohai lahi.

2 Tehalonia 2:9

Ka hau te Tino Kino ma te mālohi o Hātani ma fakatino e ia ia itūkāigā mālohiaga, fakailoga ma nā mea ofoofogia pepelo kehekehe,

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.