Ioane 4:3 - Tokelauan New Testament

³ I te lagonaga la e Iehu o te fakamatalaga tēnei, oi fano kehe ai ma Iutea, kua toe foki ki Kalilaia.

Ioane 4:3 ပူးပေါင်းရင်းမြစ်များ

Mataio 10:23

Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Maleko 3:7

Kua olo ia Iehu ma ona hoko ki tafa o te vaitūloto ko Kalilaia, ma mulimuli atu ai ki a te ia he kaifenua e tokalahi. Na ōmamai mai Kalilaia ma Iutea,

Luka 17:11

I te fanoga o Iehu ki Ieluhalema, na kui atu ai i te kelekele e tuākoi ai ia Hāmālia ma Kalilaia.

Ioane 1:43

I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Ioane 10:40

Oi toe fano ia Iehu ki tētahi itū o te Vaitafe ko te Iolitana, ki te mea nae fai ai te papatihoga a Ioane, ma nofo ai i kinā.

Ioane 11:54

Ko te mea ia na hēki toe feoaki ai ia Iehu i nā mea e kitea ai ia e nā tino Iutaia, kae kua fano ki he mea e pili ki te togāvao, ki te kakai e igoa ki a Efalaima, ma na nonofo ai i kinā ma ona hoko.

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 3:22

Kua uma atu te mea tēnei, oi olo ai ia Iehu ma ona hoko ki Iutea. Ko kinā na nofo ai fakatahi ma ona hoko mo he vāitaimi, ma papatiho ai e ia ia tagata.

Ioane 3:32

E molimau ia kinā mea na kitea ma lagona e ia, kae e hēai he tino e ia talia tana takutinoga.

Ioane 4:47

I te ia lagonaga ko Iehu kua fanaifo mai Iutea ki Kalilaia, oi fano ai kua talohaga ki ei, ke fanake ki Kapenaumi oi fakamālōlō tona ataliki e tauale, kua tāli oti.

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.