Ioane 4:22 - Tokelauan New Testament

²² Ko koutou tagata Hāmālia, e hē koutou iloa pe ko ai te tāpuaki koutou ki ei; ka ko ki mātou tagata Iutaia, e ki mātou iloa te tino e tāpuaki ki mātou ki ei, auā ko te fakaolataga e auala mai i tagata Iutaia.

Ioane 4:22 ပူးပေါင်းရင်းမြစ်များ

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Gāluega 17:23

Auā i te kui atuga o oku i te koutou kakai ma kikila ki nā mea e tāpuaki ai koutou, na kō kitea ai he fata faitāulaga e tuhi ai, ‘Ki he Atua e Hē Iloa.’ Ko te Atua la tēnā e tāpuaki koutou ki ei, e ui lava e hē koutou iloa, ko te Atua ia e folafola atu nei e au ki a te koutou.

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Gāluega 3:26

Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Loma 11:18

Ko te mea ia, koutou nahe kikila fakatauemu ki a te ki lātou na tagau kehe e vē ni lālā. E vēhea ona fāfifia koutou? Ko koutou kua nā ko he lālā; e hē fehoahoani koutou ki nā aka — ko nā aka te fehoahoani atu ki a te koutou.

Epelu 7:14

Kua iloa e tagata uma na fānau mai i te puikāiga o Iuta, ma e hēki tākua e Mohe te puikāiga tēnei, i tana tautalaga e uiga ki nā ohitāulaga.