Ioane 4:21 - Tokelauan New Testament

²¹ Kua lea atu ia Iehu, “Te māfine, e talitonu mai koe, e hau te taimi e hē toe tāpuaki ai ia tagata ki te Tamana i luga o te mauga tēnei, pe i Ieluhalema.

Ioane 4:21 ပူးပေါင်းရင်းမြစ်များ

Mataio 18:20

Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 16:32

E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

Ioane 4:23

Kae e hau te taimi, ma kua i kinei i te taimi nei, ka tāpuaki atu ai ki te Tamana ia tagata, i te mālohi o te Agaga o te Atua, ma kavatu ki a te ia te tāpuakiga e moni ma fofou ia ki ei.

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Ioane 5:28

Koutou nahe tēteki i te mea tēnei! E hau te taimi ka lagona ai e tagata oti uma, te leo o te Ataliki o te Tagata,

Gāluega 6:14

Na ki mātou lagona e lea ko te Iehu tēnei mai Nahaleta, ka talepe e ia ki lalo te Mālumalu, ma tahui na tu māhani uma na tuku mai ki a te ki tātou e Mohe!”

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 3:14

Ko au e tōtuli ma tatalo ki te Tamana,

1 Timoteo 2:8

Ko au la e fofou ko tamāloloa ke tatalo i autou tāpuakiga uma lele, nā tamāloa kua ofo atu o lātou tagata mo te Atua ma e mafai ke hiki ake o lātou lima ki luga i te tatalo, e aunoa ma he loto ita pe tauaikupu ma iētahi tino.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

Fakaaliga 21:22

E hēki kitea e au he mālumalu i te kakai, auā ko tona mālumalu ko te Aliki te Atua Hilihilikehe te Mālohi, ma te Punuamāmoe.