Ioane 4:15 - Tokelauan New Testament

¹⁵ Kua lea mai te fafine ki a Iehu, “Te aliki, kaumai ki a te au te vai tēnā, kae ke hē toe fia inua lele ai au, ma hē toe hau ai au oi ahu vai.”

Ioane 4:15 ပူးပေါင်းရင်းမြစ်များ

Ioane 4:16

Oi lea atu ai ia Iehu ki ei, “Fano la oi kaumai tau āvaga.”

Ioane 6:26

Kua tali mai ia Iehu, “E takutino atu e au ki a te koutou te meamoni; ko au e koutou hakilia ona ko koutou na kakai mākokona i nā falaoa, kae hē ona ko koutou kua mālamalama i nā fakailoga na fai e au.

Ioane 6:34

“Te aliki,” kua lea atu ki lātou ki a te ia, “fōki mai ko te falaoa tēnā ki a te ki mātou i taimi uma!”

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 8:5

Ko nā tino e ola ma mulimuli ki te mea e fakatonu ake e o lātou natula fakatetagata, kua pūlea o lātou māfaufau e nā mea e nanau ki ei te natula fakatetagata. Ka ko nā tino e ola ma mulimuli ki te mea e fakatonu ake e te Agaga, kua pūlea o lātou māfaufau e nā mea e naunau ki ei te Agaga.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

Iakopo 4:3

Ma kāfai koutou e gogō atu ki te Atua, e hē koutou maua auā ko te mea e fakavae ai outou manatu e hehē; ko koutou e gogō ki nā mea o te lalolagi e fakaaogā ke fiafia ai lava koutou.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.