Ioane 3:32 - Tokelauan New Testament

³² E molimau ia kinā mea na kitea ma lagona e ia, kae e hēai he tino e ia talia tana takutinoga.

Ioane 3:32 ပူးပေါင်းရင်းမြစ်များ

Mataio 7:8

Auā ko nā tino uma e gogō atu, ka fōki mai ki ei, ko nā tino e hakili atu, ka maua e ki lātou, ko nā tino e tukituki atu, ka tatala mai ki ei te faitotoka.

Ioane 1:11

Na hau ki tona nuku, kae e hēki talia ia e ona tagata.

Ioane 15:15

E hē toe kō takua koutou ni kaukauna, auā e hē iloa e nā kaukauna nā mea a to lātou matai e fai. Kae e takua koutou e au ni uō, auā kua uma te kō taku atua ki a te koutou nā mea uma na iloa e au mai toku Tamana.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Ioane 3:26

Oi olo ai ki a Ioane ma lea vē atu ki ei, “Te Faiakoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Ioane 5:20

Auā ko te Tamana e alofa ki te Ataliki, ma e ia fakailoa ki ei nā mea uma a ia e fai. Ka fakailoa e ia ki ei nā mea e hili atu te ofoofogia i lo nā mea iēnei, ma ka taufai ofo uma ai koutou.

Ioane 8:26

E lahi lele nā mea e tatau ke tautala ai au e uiga kia te koutou, e lahi nā mea e fakahalagia ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o te tēnei lalolagi, nā mea na kō lagona mai ia te ia.”