Ioane 3:29 - Tokelauan New Testament

²⁹ Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Ioane 3:29 ပူးပေါင်းရင်းမြစ်များ

Mataio 22:2

“Ko te Mālō o te lagi e fakatuha vēnei. Nae i ei he tupu na ia hāunia he kaiga o te fakaipoipoga a tona ataliki.

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 9:15

Kua tali mai ia Iehu ki a te ki lātou, “E mafai te kau valakaulia i he fakaipoipoga ke fakanoanoa, kāfai te tama fakaipoipo koi fakatahi ki lātou? E hē mafai! Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.”

Luka 15:6

Ma kāfai e pa ki te fale, ka fakapotopoto mai e ia ana uō ma ona tuākoi ma lea vē atu ki ei, ‘Ōmamai tātou fiafia fakatahi, auā ko taku māmoe na galo, kua toe maua.’

Ioane 15:11

“Kua lea atu au ki a te koutou i te mea tēnei, kae ke ia te koutou ai toku fiafia, ma ke kātoatoa ai te koutou fiafia e vē ko toku fiafia.

Ioane 16:24

Ke pa mai ki te taimi nei, ko hēki gogō lele atu koutou ki he mea i toku igoa; gogō atu oi maua ai e koutou, kae ke kātoatoa ai te koutou fiafia.

Ioane 17:13

Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Ioane 3:30

E tatau ke kāmata oi fakatāua lahi ia, kae fakaitiitia te tāua o oku.”

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

Filipi 2:2

Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau.

1 Ioane 1:4

Ko ki mātou e tuhi atu kae ke kātoatoa ai to mātou fiafia.

2 Ioane 1:12

E lahi lele nā mea e fia lea atu ai au ki a te koutou, kae ko au e hē fofou ke tuhi i he pepa ma he peni; ko au e fia fanatu oi kikila koutou ma ke talanoa fakatahi ai ki tātou, kae ke kātoatoa ai to tātou fiafia.

Fakaaliga 21:9

Ko tētahi o nā agelu e toka fitu nae ia te ki lātou nā tanoa e fitu e tūtumu i nā mala mulimuli e fitu, kua hau ki a te au ma lea vē mai, “Hau, ka fakahino atu e au ki a te koe te teine fakaipoipo, ka kavea ma āvaga a te Punuamāmoe.”