Ioane 3:17 - Tokelauan New Testament

¹⁷ Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 3:17 ပူးပေါင်းရင်းမြစ်များ

Mataio 1:23

“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Luka 9:56

Oi olo ai ia Iehu ma ona hoko ki hētahi nuku.

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 11:42

E iloa e au e kē lagona mai au i taimi uma. Kae ko au kua lea vēnei atu mo nā tino iēnei i kinei, ke mafai ai ki lātou ke talitonu, ko au na kē uga maia.”

Ioane 17:18

E uga atu e au ki lātou ki te lalolagi, e vē lava ona uga mai au e koe ki te lalolagi.

Ioane 17:21

Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 5:38

ma e hē teua i outou loto tana kupu, auā ko koutou e hē talitonu ki tē na ia uga maia.

Ioane 5:45

Koutou foki nā vēakē, ko au te mōliagia koutou ki toku Tamana. Ko Mohe, tēia kua tuku kātoatoa ki ei te koutou fakamoemoe, ko ia lava te ka ia mōliagia koutou.

Ioane 6:29

Kua tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

Ioane 6:38

auā ko au e hēki fanaifo mai te lagi ke fai te mea e loto au ki ei, kae ke fakataunuku te finagalo o tē na ia uga maia au.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

Ioane 7:29

kae e kō iloa, auā ko au na hau mai ia te ia ma, na ia uga maia au.”

Ioane 8:11

Kua tali mai te fafine, “E hēai he tino, te Aliki,” Oi lea atu ai ia Iehu ki te fafine, “E hē kō fakahalagia foki koe. Fano loa, koe nahe toe agahala.”]

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.