Ioane 3:12 - Tokelauan New Testament

¹² Kāfai au kua lea atu ki a te koutou i nā mea tau te lalolagi kae hē talitonu koutou, e vēhea la ona talitonu koutou, kāfai au e lea atu i nā mea tau te lagi?

Ioane 3:12 ပူးပေါင်းရင်းမြစ်များ

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Ioane 3:8

Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano agai ki ei. E vēnā foki lava ho he tino e fānau mai i te Agaga.”

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 5:11

Te lahi ko o nā mea e fia lea atu ai ki mātou e uiga ki te matākupu tēnei, kae e faigatā ke fakamatala atu ona ko koutou e mālamalama gatā.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.