Ioane 21:23 - Tokelauan New Testament

²³ Oi piha ai te tala i nā tino kua talitonu ma mulimuli ki a Iehu, ko te hoko tēnei e hē oti lele. Ka ko Iehu e hēki lea ko te hoko tēnei e hē oti lele; na lea, “Kāfai au e fofou ke ola pea ia ke toe hau au, he ā te popole ai koe ki ei?”

Ioane 21:23 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 28:14

I kinā, na fetaui ai ki mātou ma ni tino Kelihiano na lea mai ke nonofo ki mātou ia te ki lātou i he vaiaho. Ma na olo ai loa lava ki mātou ki Loma.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

1 Kolinito 11:26

Ko te uiga o te mea tēnei, ho he taimi lava e kakai ai koutou ki te falaoa ma inu ki te ipu, e folafola e koutou te maliu o te Aliki ke pa ki te taimi e toe afio mai ai.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

Fakaaliga 2:25

kae tāofi mau ki nā mea kua ia te koutou, ke toe foki mai au.