Ioane 21:22 - Tokelauan New Testament

²² Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Ioane 21:22 ပူးပေါင်းရင်းမြစ်များ

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 24:27

Auā e vē ona napa te uila ma māinafia haukatoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.

Mataio 24:3

E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Mataio 24:44

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 8:22

Kae kua tali atu ia Iehu, “Mulimuli mai ki a te au kae tuku vē nā tino oti ke tanu e ki lātou o lātou lava tino oti.”

Maleko 9:1

Oi toe vāgana atu ai ia Iehu ki a te ki lātou, “E takutino atu e au ki a te koutou, e i ei nā tino ka ki lātou kiteagia te Mālō o te Atua kāfai ka pa mai ma te mālohi o tana pule, ka ko hēki feoti ki lātou.”

Ioane 21:19

(Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”

Ioane 21:21

I te kitea atuga o ia e Petelu, oi fehili ai ia Petelu ki a Iehu, “Te Aliki, kae fai vēhea te tino tēnei.”

1 Kolinito 11:26

Ko te uiga o te mea tēnei, ho he taimi lava e kakai ai koutou ki te falaoa ma inu ki te ipu, e folafola e koutou te maliu o te Aliki ke pa ki te taimi e toe afio mai ai.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

1 Tehalonia 2:19

Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei?

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

Iakopo 5:8

Ko koutou foki la e tatau ke onohai. Ke tūmau te koutou fakamoemoe, auā ko te aho e haele mai ai te Aliki kua pili mai.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 2:25

kae tāofi mau ki nā mea kua ia te koutou, ke toe foki mai au.

Fakaaliga 22:20

Ko tē kua fai ma molimau ki nā mea uma iēnei e lea vē, “E moni lava! Ko au kua tāli fanatu!” Ke vēnā lava ona fai. Te Aliki ko Iehu, keina hau loa ko!

Fakaaliga 22:7

Kua vāgana ia Iehu, “Kikila, ko au kua tāli fanatu! Amutia nā tino e uhitaki ki nā kupu o te valoaga i loto o te tuhi tēnei e uiga ki nā mea ka tutupu nei, ma i he taimi i mua!”

Fakaaliga 3:11

Kua pili mai te taimi e fanatu ai au. Tāofi mau ki nā mea kua ia te koe, kae ke nahe kaihohoagia e he tino te fakailoga o tō manumālō.